Bilang kaanib sa Iglesia ni Cristo, para sa akin mas tama ang salin ni Dr.George Lamsa sa Gawa 20:28 na may banggit na ganito:
"Take heed therefore to yourselves and to all the flocks in which the Holy Spirit has appointed you overseers, to feed the Church of Christ which He has purchased with His blood" [Acts 20:28 Lamsa Translation]
Sa Tagalog: “Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO na binili niya ng kaniyang dugo.
Tinutuligsa ang Iglesia ni Cristo sa paggamit ng Gawa 20:28 ng George Lamsa Translation, at sinasabi nila na kaya daw ito ang madalas naming gamitin ay sapagkat natapat lang daw sa aming paniniwala, at doktrina. Ang pagkakasalin daw ni LAMSA sa talatang ito ay MALI, dapat daw ang nakalagay dito imbes na IGLESIA NI CRISTO ay IGLESIA NG DIOS. Dahil hindi daw ito ang nakalagay sa Bibliang Griego. Ang nakalagay daw kasi ay ganito:
“προσεχετε ουν ‘εαυτοις και παντι τω ποιμνιω εν ‘ω ‘υμας το πνευμα το ‘αγιον εθετο επισκοπους ποιμαινειν την εκκλησιαν του θεου ‘ην περιεποιησατο δια του ιδιου ‘αιματος” [Act 20:28 Textus Receptus]
Paano ito binibigkas?
“prosekhete oun heautois kai panti tō poimniō en hō humas to pneuma to hagion etheto episkopous poimainein tēn EKKLĒSIAN TOU THEOU hēn periepoiēsato dia tou idiou haimatos.”
Kung CHURCH OF CHRIST daw ang nakalagay dapat daw ay:
“εκκλησιαν του χριστου” o “EKKLĒSIAN TOU KRISTOU”
Mukhang may lohika ano po? Dahil ang nakalagay nga naman sa Bibliang Greek na ito ay:
“εκκλησιαν του θεου” o “EKKLĒSIAN TOU THEOU”
Na sa English ay “CHURCH OF GOD”, Kaya ang Iglesia ni Cristo daw ay nagbabatay sa isang MALING SALIN ng Gawa 20:28. At sapaglat maraming Biblia, ang nagbatay ng kanilang salin mula sa Bibliang Griegong ito gaya ng KING JAMES VERSION, ay inakala na ng marami na ito ang tumpak na salin ng talata:
“Take heed to yourselves and to the whole flock, wherein the Holy Ghost hath placed you bishops, to rule the CHURCH OF GOD which he hath purchased with his own blood.” [Acts 20:28KJV]
Ang hindi alam ng marami, sa wikang Griego ang Gawa 20:28, ay mayroon pang isang version, na ganito naman ang nakalagay:
“προσέχετε ἑαυτοῖς καὶ παντὶ τῷ ποιμνίῳ, ἐν ᾧ ὑμᾶς τὸ πνεῦμα τὸ ἅγιον ἔθετο ἐπισκόπους, ποιμαίνειν τὴν ἐκκλησίαν τοῦ κυρίου, ἣν περιεποιήσατο διὰ τοῦ αἵματος τοῦ ἰδίου.” (Acts 20:28 Tischendorf Greek New Testament)
Dito sa Bibliang ito imbes na “IGLESIA NG DIOS” na sa Greek nga ay:
“εκκλησιαν του θεου” o “EKKLĒSIAN TOU THEOU”
Ang nakalagay po dyan ay:
“ἐκκλησίαν τοῦ κυρίου” o “EKKLĒSIAN TOU KURIOU”
Sa English “CHURCH OF THE LORD” na siya namang pinagbatayan ng Bibliang ito:
“Take heed unto yourselves, and to all the flock, in which the Holy Spirit hath made you bishops, to feed the CHURCH OF THE LORD which he purchased with his own blood.”[Acts 20:28 American Standard Version]
At maging ng ating pinakasinaunang tagalog na salin – ANG BIBLIA:
“Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pakanin ninyo ang IGLESIA NG PANGINOON na binili niya ng kaniyang sariling dugo.” [Gawa 20:28 Ang Biblia, 1905]
Dito pa lamang ay kitang-kita na po natin na sa Bibliang Greek ay may DALAWANG VERSION ang Gawa 20:28, Sapagkat hindi nalalaman ng marami na kung papaanong maraming version ang mga Bibliang English at Tagalog ay gayon din ang Bibliang Greek.
Ang ipinaglalaban nilang salin kung saan nakalagay ang mga katagang “IGLESIA NG DIOS”, ay tama kayang salin?
Paano ba malalaman kung ang salin ng isang talata ay tumpak at tama, kahit na hindi na natin makikita pa kailan man ang orihinal na mga manuskritong aktuwal na naisulat ng mga Apostol?
Narito ang sagot sa atin ng Biblia:
“ Nguni't ating tinanggap, hindi ang espiritu ng sanglibutan, kundi ang espiritung mula sa Dios; upang ating mapagkilala ang mga bagay na sa atin ay ibinigay na walang bayad ng Dios. Na ang mga bagay na ito ay atin namang sinasalita, hindi sa mga salitang itinuturo ng karunungan ng tao, kundi sa itinuturo ng Espiritu; na iniwawangis natin ang mga bagay na ayon sa espiritu sa mga pananalitang ayon sa espiritu. [1 Corinto 2:12-13 ]
Kailangan nating IWANGIS o PAGKUMPARAHIN ang mga PANANALITANG AYON SA ESPIRITU, ibig pong sabihin iwawangis natin at ikukumpara ang isang talata sa kapuwa talata. Sapagkat sa Biblia ay WALANG KONTRADIKSIYON o SALUNGATAN, mapapatunayan natin na TAMA ang pagkakasalin kung ito ay walang KINOKONTRANG IBANG TALATA sa Biblia.
Suriin naman po natin ang KJV na paboritong gamitin nila para patunayan na “Iglesia ng Dios” tamang salin,heto po....
“Take heed to yourselves and to the whole flock, wherein the Holy Ghost hath placed you bishops, to rule the CHURCH OF GOD which he hath purchased with his own blood.” [Acts 20:28 KJV]
Sa Tagalog:
“Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pamunuan ang IGLESIA NG DIOS na binili niya ng kaniyang sariling dugo.” [Gawa 20:28 KJV]
Pansinin po natin,
“…upang pamunuan ang IGLESIA NG DIOS NA BINILI NIYA NG KANIYANG SARILING DUGO.”
Lumalabas po sa saling iyan na may dugo po ang Dios. Ano po ba ang turo ng ating Panginoong Jesus tungkol sa Dios?
Ganito po ang ating mababasa sa Juan 4:24.....“ANG DIOS AY ESPIRITU: at ang mga sa kaniya'y nagsisisamba ay kinakailangang magsisamba sa espiritu at sa katotohanan.”
Lalabas po na ang espiritu ay may dugo kung ipipilit nila na Dios ang nagbuhos ng dugo sa Gawa 20:28, malinaw din po na kontra na po ito sa turo ni Cristo na nakasulat sa biblia.
Tanong:
Sino nga po ba ang may DUGO na ipinakikilala ng Biblia na siya ring tumubos sa IGLESIA? Kanino po ba binili ng Dugo ang Iglesia?
Muli po nating basahin ang biblia at may ganito po tayong mababasa.....
“At pagkakuha niya ng aklat, ang apat na nilalang na buhay at ang dalawangpu't apat na matatanda ay nangagpatirapa sa harapan ng Cordero, na ang bawa't isa'y may alpa, at mga mangkok na ginto na puno ng kamangyan, na siyang mga panalangin ng mga banal. At sila'y nangagaawitan ng isang bagong awit, na nagsasabi, Ikaw ang karapatdapat na kumuha ng aklat, at magbukas ng mga tatak nito: sapagka't ikaw ay pinatay, at binili mo sa Dios ng iyong dugo ang mga tao sa bawa't angkan, at wika, at bayan, at bansa”. [Apoc 5:8-9]
Ang liwanag po ng sinabi ng talatang ito:
“…BINILI MO SA DIOS NG IYONG DUGO ANG MGA TAO SA BAWA'T ANGKAN, AT WIKA, AT BAYAN, AT BANSA”
Ang kinakausap po dito at pinagsasabihan ng mga katagang iyan ay ang CORDERO na siyang BUMILI sa mga tao NG KANIYANG DUGO sa DIOS, na siyempre naman ang MGA TAO na tinutukoy ay tumutukoy sa mga kaanib ng IGLESIA.
Kaya napakaimposible talaga na ang Dios ang bibili ng kaniyang dugo sa Iglesia, kasi nga Una, walang dugo ang Dios, at pangalawa sa kaniya binili ng dugo ang Iglesia.
Eh sino ba iyong Cordero na tinutukoy dito na bumili ng kaniyang dugo sa Dios ang mga tao na siya ngang Iglesia?
Juan 1:29 “Nang kinabukasan ay nakita ni Juan si JESUS na lumalapit sa kaniya, at sinabi, Narito, ang CORDERO NG DIOS, na nagaalis ng kasalanan ng sanglibutan!”
Ang tinutukoy po na CORDERO na bumili ng kaniyang dugo sa Iglesia sa Dios ay walang iba kundi ang PANGINOONG JESUCRISTO, at hindi ang Dios. Kaya po tama ang salin ni Lamsa, at meron siyang pahayag kung bakit ganun ang pagkakasalin niya sa nasabing talata. Atin pong tunghayan ang katuwiran ni LAMSA kung bakit niya isinalin ito bilang CHURCH OF CHRIST o IGLESIA NI CRISTO:
“The Eastern text reads: "the Church Of Christ which he has purchased with his blood. Jewish Christians could not have used the term “God”, because in their eyes God is spirit, and spirit has no flesh and blood. It was Jesus of Nazareth who shed his blood on the cross for us, and not God.” [George M. Lamsa, New Testament Commentary, pp. 149 – 150]
Ang tinutukoy ni Lamsa na Eastern Text ay ang Syriac Peshitta Aramaic, na siyang katutubong wika ni Jesus, isang manuskristo sa Wikang Aramaiko, at kaniyang nilinaw na ang nakalagay o nakasulat doon ay CHURCH OF CHRIST-Ang pinagbatayan ng kaniyang saling ito ay hindi ang mga manuskritong Griego kaya mali na ipinang-aatake ng iba, na maling salin daw ito dahil sa hindi nito sinunod ang mga manuskritong Griego, ano naman kaya ang katibayan nila na mali ang manuskritong Aramaiko at hindi dapat pagbatayan? Wala po!! Sa totoo lang walang sino man na makapagpapatunay na hindi authentic ang mga manuskritong ito.
Dahil po naipapakita po natin na may katuwiran tayo at wala silang malulusot sa kanilang atake, iibahin na naman po nila ang kanilang taktika, babanat na naman po sila ng ganito.....
“Kung wala si Lamsa walang magagamit na batayan itong mga INCM para tindigan na tumpak ang saling “ Iglesia ni cristo”!
Tama ba po kaya ang kanilang haka-haka? Tumpak din po kaya ang kanilang sinasabi na si Lamsa lang ang nagsalin na hindi “ iglesia ng Dios" sa Gawa 20:28? Ang atin pong sagot ay hindi po meron pa pong iba maliban kay Lamsa.
Tunghayan po natin ang isang salin na ito.....
“Take heed therefore to yourselves, and to the whole flock over which the Spirit of Holiness hath constituted you the bishops; to pasture the church of the Meshiha which he hath purchased with his blood” [. John Etheridge Peshitta-Aramaic NT (1849]
Si Etheridge po !
Ngayon po sino po ba ang tinatawag na Meshiha,o Mesiyas? Kahit po batang paslit ay masasagot po tayo na iyan po ay walang iba kundi ang ating Panginoong Jesucristo.
Wala na po bang may salin na “Iglesia ni Cristo”?
Meron pa po!
Tunghayan po natin ulit ito....
"Therefore, take care of yourselves, and of all the congregation in which you have been appointed through the holy Spirit as bishops, to shepherd the church of Jesus Christ, that which he established by his blood."[Disciples New Testament]
Marami pong manuskritong sumusuporta sa mga saling “ Iglesia ni Cristo” o “ Church of Christ” tulad po nitong mga ito.... MS Syriac 4 (12th century), MS Syriac 325 (12th Centry), MS Syriac 27 (16th century), and the Novum Testamentum Syriace (17th century) mababasa po natin sa english translation na "Church of Christ."
Hindi lang po yan ang ating batayan, ang ating matibay na batayan ay ang mismong biblia na hindi kokontra sa salin na ang nagbuhos ng dugo sa Gawa 20:28 ay ang ating Panginoong Jesuscristo, at Hindi ang Dios na isang Espiritu sa likas na kalagayan.
Tunghayan po natin ang nakasulat sa 1Pedro 1:18-19 ganito po ang ating mababasa.....
“ Na inyong nalalamang kayo'y tinubos hindi ng mga bagay na nangasisira, ng pilak o ginto, mula sa inyong walang kabuluhang paraan ng pamumuhay, na ipinamana sa inyo ng inyong mga magulang; Kundi ng mahalagang dugo, gaya ng sa korderong walang kapintasan at walang dungis, sa makatuwid baga'y ang dugo ni Cristo:” [1Pedro 1:18-19]
Ang Panginoong Jesucristo po ang nagbuhos ng dugo, iyan po ay kasang-ayon ng ibang talata na nakasulat sa biblia.
Lagi po nating tatandaan ang mga pagtuturo ni apostol Pablo sa mga Cristiano na mga taga Corinto na may ganitong sinasabi.....
“ Nguni't ating tinanggap, hindi ang espiritu ng sanglibutan, kundi ang espiritung mula sa Dios; upang ating mapagkilala ang mga bagay na sa atin ay ibinigay na walang bayad ng Dios. Na ang mga bagay na ito ay atin namang sinasalita, hindi sa mga salitang itinuturo ng karunungan ng tao, kundi sa itinuturo ng Espiritu; na iniwawangis natin ang mga bagay na ayon sa espiritu sa mga pananalitang ayon sa espiritu. [1 Corinto 2:12-13 ]
Kailangan po nating IWANGIS o PAGKUMPARAHIN ang mga PANANALITANG AYON SA ESPIRITU, ibig pong sabihin iwawangis natin at ikukumpara ang isang talata sa kapuwa talata. Sapagkat sa Biblia ay WALANG KONTRADIKSIYON o SALUNGATAN, mapapatunayan natin na TUMPAK ang pagkakasalin kung ito ay walang KINOKONTRANG ibang talata sa Biblia
